د شهیدانو او معلولینو چارو وزارت د یتیمانو، کونډو او معلولینو د اقتصادي او ټولنیزې پیاوړتیا په موخه د اسلامي هوساینې نړیوالې مؤسسې سره د همکارۍ هوکړه لیک لاسلیک کړ

asad_admin
پنجشنبه ۱۴۰۳/۸/۱۰ - ۱۰:۳۵
mmd

د دې هوکړه پر اساس به (۶۵۰) تنو اړمنو یتیمانو، کونډو او معلولینو ته د بلخ ولایت په چمتال ولسوالۍ کې د اقتصادي ځان بساینې او پياوړتیا په موخه په بېلابېلو برخو کې د کوچنیو کارو بارونو زمینه برابره شي.

د همکارۍ دغه هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس او د اسلامي هوساینې نړیوالې مؤسسې سرپرست محترم شریف احمد ترمنځ لاسلیک شو، د پروژې ټولیز ارزښت یې (۶۳۱) زره او (۲۷۷) امریکایي ډالره کيږي چې د بلخ ولایت د شهیدانو او معلولینو چارو ریاست په همغږۍ به، د دوو کلونو په موده کې بشپړه شي.

محترم ملا صدو خان حق شناس د هوکړه لیک د لاسلیک پر مهال په دې وزارت کې د ثبت او راجسټر شوېو یتیمانو، کونډو او معلولینو مجموعي د آمارو او ارقامو، همداراز هغوی ته د خدمتونو وړاندې د څرنګوالي په هکله هر اړخیز معلومات وړاندې کړل او د مؤسسې له سرپرست څخه یې وغوښتل چې د مرستو په وېش کې د ټولنې دې اړمن قشر ته لومړیتوب ورکړي د هغوی لپاره په بېلابېلو برخو کې مرستې چمتو او د شهیدانو او معلولینو چارو وزارت سره یې په همغږۍ یادو کسانو ته ووېشي تر څو له مرستو څخه واقعي مستحقین برخمن شي.

په ورته وخت کې د یادې مؤسسې سرپرست محترم شریف احمد هم د یتیمانو، کونډو او معلولینو لپاره د لا زیاتو مرستو د چمتو کولو په برخه کې د هر راز همکارۍ ژمنه وکړه.

تازه خبرونه

یکشنبه ۱۴۰۴/۶/۹ - ۱۴:۱۹
Background image

په لغمان ولایت کې پر (۱۸۰) تنو مستحقو یتیمانو باندې مرستې ووېشل شوې

د لغمان ولایت د شهیدانو او معلولینو چارو ریاست د لایف خیریه مؤسسې سره په همغږۍ د یاد ولایت اړوند پر (۱۸۰) تنو مستحقو یتیمانو باندې مرستې ووېشلې، په یادو مرستو کې اوړه، وریجې، غوړي او د. . .

یکشنبه ۱۴۰۴/۶/۹ - ۱۴:۱۷
Background image

د شهیدانو او معلولینو چارو وزارت او د (HHRD) مؤسسې ترمنځ د هوکړه لیک لاسلیک

د شهیدانو او معلولینو چارو وزارت په کابل، کندهار او ننګرهار ولایتونو کې د شهیدانو کورنيو او معلولینو لپاره د څښاک صحي اوبو د برابرولو په موخه، د (HHRD) مؤسسې سره د (۴۲) زره ډالرو په. . .

یکشنبه ۱۴۰۴/۶/۹ - ۱۴:۱۳
Background image

د شهيدانو او معلولينو چارو وزیر محترم الحاج ملا عبدالمجید آخند د زابل او لوګر ولايتونو له واليانو سره وکتل

 د شهیدانو او معلولینو چارو وزیر محترم الحاج ملا عبدالمجید آخند په خپل کاري دفتر کې د زابل والي محترم مولوي شیرمحمد شریف او د لوګر ولایت له والي محترم قاري صلاح الدين ايوبي سره جلا جلا. . .

BACK TO NEWS