د لوګر ولایت مرکز، پل علم ښآر کې له 500 اړمنو کورنیو سره مرسته وشوه
د شهیدانو او معلولینو چارو وزارت د همغږۍ رییس ښاغلي سید محمد عظیم آغا د یادو مرستو د ویش په په ترڅ کې وویل: یادې مرستې د RedSourse موسسې په مرسته او د شهدانو او معلولینو چارو وزارت په همغږۍ د لوګر ولایت مرکز پل علم ښار کې د اسلامي امارت د شهیدانو کورنیو، د پخوانیو دولتي ځواکونو د شهیدانو کورنیو، کونډو او بې وزلو کورنیو باندې وویشل شوې.
ښاغلي سید محمد عظیم آغا همداراز زیاته کړه، د شهیدانو او معلولینو وزارت خلکو ته د خدمتونو د وړاندې کولو او د شهیدانو پر کورنیو د مرستو د وېش لپاره ځانګړي پلانونه لري.
نوموړي له ټولو خیریه موسسو، کورني او بهرني سوداګرو او د بشري حقونو له بنسټونو هم مننه وکړه چې له اړمنو کورنیو سره مرسته کوي او همدارنګه د دې همکارۍ پر دوام او له خلکو سره د مرستو د کچې پر لوړولو ټینګار وکړ.
د یادولو وړ ده چې په یادو مرستو کې اوړه، غوړي، لوبیا، نخود او کمپلې شتون درلود.
