د شهیدانو او معلولینو چارو وزارت ځانګړي پلاوي په کندز ولایت کې د یاد وزارت اړوند ریاست کاري بهیر په هر اړخیزه توګه بررسۍ او و څیړه

nasrat_admin
چهارشنبه ۱۴۰۱/۶/۳۰ - ۹:۵
mmd

د شهیدانو او معلولینو چارو وزارت د بررسۍ او څیړنې ځانګړي پلاوي چې په هغه کې د مالي او اداري چارو عمومي رئیس مولوي کلیم الله افغان، د داخلي تفتیش رئیس مولوي احسان الله حقاني، د معلولینو چارو رئیس مولوي عبدالنافع منتفع او همدارنګه د ارزونې او څارنې ریاست غړی هم شامل دی، د کندز ولایت د شهیدانو او معلولینو چارو ریاست فعالیتونه او کړنې یې په هر اړخیزه توګه وڅیړلې.

مولوي کلیم الله افغان د دغه ریاست د کارکوونکو د کاري بهیر د بررسۍ او څېړنې پرمهال وویل: اسلامي امارت د شهیدانو وارثینو او معلولینو ته ځانګړې پاملرنه کړې او د نورو دولتي ادارو په پرتله يې دې وزارت ته ځانګړې بودیجه منظور کړې ده.

نوموړي زیاته کړه: موږ ټول مکلف یو چې د دغه مظلوم او کړېدلي قشر پر وړاندې خپل ایماني او وجداني مسوولیت ادا کړو او د شهیدانو وارثینو او معلولینو حقوق او امتیازات په خپل وخت او شفاف ډول ورته وسپارل شي.

د شهیدانو او معلولینو چارو وزارت د مالي او اداري چارو  عمومي رئیس سره راغلي پلاوي د معلولینو او یتیمانو د تثبیت په پروسه کې د روڼتیا د معلومولو او همدارنګه د طرحې سره سم د هغوی د حقوقو د ورکړې په برخه کې له  یو شمېر یتیمانو او معلولیت لرونکو وګړو سره له نږدې وکتل او د هغوې څخه یې د شهیدانو وارثینو او معلولینو ته د خدمتونو د وړاندې کولو د څرنګوالي  په اړه پوښتنې وکړې.

د شهیدانو او معلولینو چارو وزارت د مالي او اداري چارو عمومي رئیس مولوي کلیم الله افغان په مشرۍ راغلي پلاوي د شهیدانو او معلولینو چارو ریاست د ستونزو د حل په موخه د کندز ولایت له والي ملا نثار احمد نصرت سره وکتل. په دې کتنه کې د کندز والي د یاد ریاست د مسئولینو د ستونزو او ننګونو له اورېدو وروسته راغلي پلاوي ته په هر اړخیزه توګه د همکارۍ ډاډ ورکړ.

د يادونې وړ ده، چې ياد پلاوي تر دې وړاندې هم د باميان، بغلان، سمنګان، بلخ، جوزجان او سرپل ولايتونو د شهيدانو او معلولينو چارو رياستونو کړنې او فعاليتونه څېړلي او په دې برخه کې د شته ستونزو او ننګونو د حل په  موخه کوټلي ګامونه اخیستي دي.

تازه خبرونه

چهارشنبه ۱۴۰۱/۷/۱۳ - ۱۶:۱۶
Background image

د معلولیت لرونکو وګړو د تثبیت فورمې بیاځلې کتل کیږي

د څلور زرو معلولیت لرونکو وګړو د تثبیت فورمې د هغه هیئت لخوا چې په ترکیب کې یې د شهیدانو او معلولینو چارو وزارت د داخلي تفتیش رئیس مولوي احسان الله حقاني، د معلولینو د تثبیت او. . .

چهارشنبه ۱۴۰۱/۷/۱۳ - ۱۴:۳۰
Background image

د شهیدانو او معلولینو چارو وزارت له خوا د پارالمپیک شپږ دیرشو لوبغاړو باندې د لوبو جامې وویشل شوې

د شهيدانو او معلولينو وزارت له خوا د پارالمپيک په شپږ دیرشو معلولیت لرونکو لوبغاړو باندې د لوبو جامې ووېشل شوې.

په هغه پروګرام کې چې په همدې موخه د شهيدانو او معلولينو په وزارت کې جوړ. . .

چهارشنبه ۱۴۰۱/۷/۱۳ - ۱۴:۲۵
Background image

د شهیدانو او معلولینو چارو په وزارت کې د کارکوونکو د ظرفیت لوړونې په موخه روزنیز پروګرام پیل شو

د شهیدانو او معلولینو چارو وزارت  د کارکوونکو د ظرفیت لوړونې په موخه روزنیز پروګرام پیل کړ، په یاد روزنیز پروګرام کې به د وزارت اړوند،  ټولو کارکوونکو ته د قرآن عظیم الشان د ناظرې او. . .

BACK TO NEWS