د شهيدانو ورثه ؤ او معلولينو د پالنې مرکز کې د کاري بهیر د لاښه والي په موخه اداري غونډه ترسره شوه
یاده غونډه چې د شهيدانو ورثه ؤ او معلولينو د پالنې مرکز رئيس محترم ملا رحمت اللّٰه خالد په مشرۍ ترسره شوه په هغې کې د دې مرکز آمرينو، مديرانو او کارکوونکو ګډون کړی وو.
په پیل کې د فني او حرفوي زده کړو لپاره د زده کوونکو د جذب کمېټې د خپلو کړنو تفصيلي راپور وړاندې کړ, یادې کمیټې د پنځلس ورځو په موده کې د اوو (۷)حرفو لپاره (۱۳۰) تنه مستحق يتيمان، معلولين او د معلولينو اولادونه د لازمو اسنادو د طي مراحل کولو وروسته ثبت او راجسټر کړي دي.
ورپسې د دې مرکز د اړوندو څانګو مسؤلينو هم د خپلو فعاليتونو او لاسته راوړنو راپورونه غونډې ته وړاندې کړل.
په ورته وخت کې د نوي زده کوونکو ستونزو، وړاندیزونو ته پر وخت رسیدګي او د شکایتونو اوریدو په موخه د شکایتونو صندوقونه او د زده کوونکو لپاره په ليليه کې د اوسيدو د اصولو لوحه ترتيب او په مناسب ځای کې نصب کړل شوه.
په پای کې د مرکز رئيس لخوا اړوندو مسؤلينو ته د کاري بهیر د لاښه پرمختګ په موخه لازمې سپارښتنې او لارښونې وشوې.
