د شهیدانو او معلولینو په چارو کې د دولت وزارت د برنامو او همغږي مرستیالې د برېښنايي پېژندپاڼو د وېش له مرکز څخه لیدنه وکړه
د شهیدانو او معلولینو په چارو کې د دولت وزارت د برنامو او همغږي مرستیالې د برېښنايي پېژندپاڼو د وېش له مرکز څخه لیدنه وکړه
نن یکشنبه د مرغومې په ۱۴مه د شهیدانو او معلولینو په چارو کې د دولت وزارت د برنامو او همغږۍ مرستیالې صبرۍ اندړ، په وزارت کې د برېښنايي پېژندپاڼو د وېش له مرکز څخه د لیدنې ترڅنګ، د مراجعینو ستونزې او غوښتنې واورېدې او د برېښنايي پېژندپاڼو د وېښ بهیر او چارو په چټکه توګه د ترسراوي لپاره یې مسوولو چارواکو ته لازمې سپارښتنې وکړې.
آغلې اندړ څرګنده کړه، چې د شهیدانو وارثینو او معلولیت لرونکو وګړو د ستونزو حل ورته لومړیتوب لري او په دې تړاو هر ډول کار، همکاري او لاسنیوی د اړوندو چارواکو مسوولیت دی.
نوموړې له مراجعینو وغوښتل، چې د چارو د چټکتیا لپاره دې نوبت مراعات کړي، څو کارونو او ستونزو ته یې مسوولین پر وخت رسیدنه وکړي.
دې د شهیدانو وارثین او معلولین له جګړو نه د مخامخ اغیزمنتیا له امله د زیات ترحم او درناوي وړ وګڼل او د چارو اړوند کارکوونکو ته یې له یاد قشر سره د مناسب او نرم چلند کولو سپارښتنه وکړه.
د یادولو وړه ده، چې اغلې اندړ د ژمي او یخې هوا له امله په وزارت کې د مراجعینو د ناستې لپاره مسوولو چارواکو ته د یو مناسب ځای برابرولو وویل، څو د ژمي سړه هوا د شهیدانو وارثینو او معلولیت لرونکو وګړو لپاره د ناروغیو سبب نه شي.
