د نابینایانو نړیواله ورځ به په شانداره توګه ونمانځل شي
د نابینایانو نړیواله ورځ به په شانداره توګه ونمانځل شي
نن سه شنبه د ( تلې میاشتې ۱۶) د معلولیت لرونکو وګړو په برخه کې فعالو موسسو استازو د غازي امان الله خان د غونډو په تالار کې د شهیدانو او معلولینو په چارو کې د دولت وزیر ښاغلي لعل الدین آریوبي سره وکتل.
په دې ناسته د نابینایانو د نړیوالې ورځې د ښې نمانځنې په اړه د یادو موسسو استازو خپل نظرونه شریک او لازمې پرېکړې ترسره شوې.
د شهیدانو او معلولینو په چارو کې د دولت وزیر ښاغلي آریوبي د نابینایانو نړیوالې ورځې د نمانځنې په اړه د یادو موسسو د استازو دا مشترکه ناسته ښه اقدام وګڼه او غوښتنه یې وکړه، چې د دې ورځې په اړه د عامه پوهاوي د زیاتېدو لپاره دې د پوهاوي بېلابېل پروګرامونه پیل شی.
د یادونې وړ ده، چې د نابینایانو نړیواله ورځ د اکتوبر میاشتې ۱۵ نېټه ده او دا ورځ په نړیواله کچه نمانځل کېږي. له ښه مرغه دا ځل افغانستان هم د دې ورځې د نمانځنې ویاړ لري.
