په غزني ولايت کې د شهيدانو او معلولینو پر (۴۰۰) کورنېو باندې مرستې ووېشل شوې
د غزني ولایت د شهيدانو او معلولینو چارو رياست د یوې خیریه مؤسسې په مالي ملاتړ، یو میلیون او یو لک، شپېته زره (۱۱۶۰۰۰۰) افغانۍ د نغدي مرستې په توګه د شهيدانو او معلولینو پر (۴۰۰) مستحقو کورنېو باندې ووېشلې چې هرې کورنۍ ته (۲۹۰۰) افغانۍ ورکړل شوې.
همداراز د نغدي مرستو تر څنګ پر يادو کورنېو باندې خوراکي توکي چې په هغه کې اوړه، وریجې، غوړي، بوره، لوبیا او نخود شامل وو، ووېشل شول.
هغو کورنېو چې مرستې ترلاسه کړې وې د غزني ولايت د شهيدانو او معلولینو چارو ریاست له مسؤلینو او د یادې خیریه مؤسسې له استازو څخه یې مننه وکړه.
