د کابینې په ځانګړې ناسته کې به د شهیدانو ورثې او معلولیت لرونکو وګړو پر بنسټيزو ستونزو خبرې وشي
د کابینې په ځانګړې ناسته کې به د شهیدانو ورثې او معلولیت لرونکو وګړو پر بنسټيزو ستونزو خبرې وشي
نن چهارشنبه د وري په ۱۱مه، د شهیدانو او معلولینو چارو سرپرست وزیر پوهنمل حمیدالله فاروقي د کابل د معلولينو له يو شمېر مدني ټولنو غړو سره وکتل او د هغوی ستونزې او غوښتنې يې له نږدې واور یدې.
په پيل کې ښاغلي فاروقي وويل: چې د شهيدانو ورثې او معلوليت لرونکو وګړو اصلي ستونزې او غوښتنې یې راټولې کړې او د کابينې په ځانګړې ناسته کې به یې له جلالتماب جمهور رئيس سره شريکې کړي، کومه چې په دې نږدې ورځو کې به ترسره شي.
ښاغلي فاروقي پر اصلاحاتو او له فساد سره په جدي مبارزې د ټینګار ترڅنګ وويل: چې موخه یې له يوې واحدې دریڅې څخه د ټولنې دې مظلوم او درديدلي قشر ته د غوره خدماتونو وړاندې کول دي.
دده په خبره، چې د بروکراسۍ ختمول او د مراجعينو د سرګردانۍ له منځه وړل دوه مهم مسايل دي او د حل لپاره يې هم جدي هڅې روانې دي.
نوموړي زياته کړه، چې د شهیدانو کورنيو غړي او معلولیت لرونکي وګړي باید د وزارت له چارواکو سره د اصلاحاتو راوستو په موخه ګډکار او د همغږۍ فضا را منځته کړي.
د کابل د معلولینو او شهیدانو ورثې لپاره د مدني ټولنې رئيس ياسين حقپرست او غړي حاجی میر اغا هم په وزارت کې وروستي بدلونونه او هڅې وستایلې او د نورو اصلاحاتو او بدلونونو هیله یې څرګنده کړه.
ښاغلي حقپرست د معلولينو ستونزې او غوښتنې په بیلابیلو برخو لکه کارموندنې، د ځمکو وېش، د حقونو ورکړې، د حج سهميې او نورې ستونزې شريکې کړې او د وزارت له مشرتابه څخه يې د لازمو اقداماتو د ترسره کيدو غوښتنه وکړه.