د شهیدانو او معلولینو چارو په وزارت کې دوه سوه (۲۰۰) تنو مستحقو معلولینو ویلچرونه ترلاسه کړل
د شهیدانو او معلولینو چارو وزارت د ترکیې هېواد د نداء الخیر مؤسسې سره په همغږۍ په دې وزارت کې پر (۲۰۰) تنو مستحقو معلولینو باندې ویلچرونه وویشل، په ورته وخت کې هر مستحق ته څلور زره (۴۰۰۰) افغانۍ د نغدي مرستې په توګه هم ورکړل شوې.
د یاد شوېو ویلچرونو د وېش پر مهال د شهیدانو او معلولینو چارو وزارت د ټولنیزو خدمتونو د تنظیم رئیس محترم مولوي ثناء الله فرقاني، د نداء الخیر مؤسسې مشر محترم حمزه کوکسال او د دې وزارت د څارنې او ارزونې ریاست استازي حضور درلود.
