د ډېټابېس او معلوماتو د سیسټم رئیس مولوي باقي بالله فضلي د نوي الکټرونیکي سیسټم د پرانېستي په موخه زابل ولایت ته سفر وکړ.
د یتیمانو، کونډو او معلولینو د نوي الکټرونیکي سیسټم د فعالولو په لړۍ کې د ډېټابېس او معلوماتو د سیسټم رئیس مولوي باقي بالله فضلي په سرپرستۍ یو تخنیکي او مسلکي ټیم د زابل ولایت د شهیدانو او معلولینو چارو ریاست ته سفر وکړ.
د دې سفر په پایله کې یاد سیسټم د زابل ولایت د شهیدانو او معلولینو چارو په ریاست کې رسماً فعال او ګټه اخېستني ته وسپارل شو. په همدې موخه د یاد ریاست له کارکوونکو سره په جوړه شوي جلسه کې مولوي باقي بالله فضلي نوی الکټرونیکي سیسټم د یتیمانو، کونډو او معلولینو د مساعدتونو پروسې د شفافیت، چټکتیا او دقت په برخه کې یو ستر ګام وباله او سربېره پر دې یې د سیسټم اړوند کارکوونکو ته د چارو په پوره دقت او کیفیت د پرمخ وړلو سپارښتنه وکړه.
په پای کې د زابل ولایت د شهیدانو او معلولینو چارو رئیس مولوي عبدالحکیم دانش د سیسټم په فعالېدو خوښي وښوده او د راغلي پلاوي او د وزارت د مشرتابه مقام د پاملرنې او کړنو څخه یې ستاینه وکړه
