د نیمروز ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د نیمروز ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د شهیدانو او معلولینو په چارو کې د دولت وزارت د رهبرۍ د پرېکړې پر بنسټ د نیمروز ولایت نظامي او ملکي معلولینو ته د ۱۳۹۹ کال حقوقو ورکړه پیل شوې ده.
د یاد ولایت د شهیدانو او معلولینو چارو آمریت د راپور پر اساس د دې ولایت اړوند د دفاع وزارت(۱۳۴) او د کورنیو چارو وزارت او ملي امنیت عمومي ریاست (۱۹) شهیدانو د شپږو میاشتو حقوقو د دوی بانکي حسابونو ته لېږدول شوي دي او (۸۲۰۸۸۳۳) افغانۍ بودیجه ورته ځانګړې شوې وه. د یادو ارګانونو پاتې (۱۴۱) شهیدانو ته د یو کال لپاره (۲۴۴۸۷۴۳۰) افغانۍ بودیجه په پام کې نیول شوې او د کاري پروسې له بشپړېدو سره به یې حقوقو بانکي حسابونو ته ولېږدل شي.
د دفاع او کورنیو چارو وزارتونو (۳۲) تنو معلولینو د شپږو میاشتو حقوق ترلاسه کړي دي او دوی ته (۱۸۱۶۴۱۴) افغانۍ بویجه ځانګړې شوې وه.
د (۷۷۷) ملکي شهیدانو حقوق تر کار لاندې دي او د یو کال لپاره (۴۵۶۲۰۰۰۰) افغانۍ بودیجه ورته ځانګړې شوې ده.
د (۵۲۴) ملکي معلولینو حقوق هم تر کار لاندې دي او ژر به ورکړل شي. دوی ته د یو کال لپاره (۲۸۶۸۰۰۰۰) افغانۍ بودیجه ځانګړې شوې ده.
