د شهیدانو او معلولینو چارو وزارت يو پلاوي د غور ولایت په ځینو نواحيو کې د شهیدانو له یو شمیر وارثینو او معلولینو سره له نږدې وکتل

nasrat_admin
دوشنبه ۱۴۰۲/۶/۲۷ - ۸:۴۳
MMD

د شهیدانو او معلولینو چارو وزارت د څارنې او ارزونې رئیس ښاغلي الحاج مولوي نورالحق حقاني د یو پلاوي په مشرۍ غور ولایت ته د سفر په ترڅ کې  په دې ولایت کې د شهيدانو او معلولینو چارو ریاست د کړنو او فعاليتونو د څيړلو وروسته، د یتیمانو او معلولینو د تثبیت په پروسه کې د روڼتیا د تشخیص او د هغوی د اوسني وضعیت څخه د خبریدو په موخه دغور ولایت د فیروزکوه ښار په ځینو نواحیو کې  له یو شمېر یتیمانو او معلولیت لرونکو وګړو سره له نږدې وکتل.

مؤظف شوي پلاوي د یتیمانو، کونډو او معلولینو اړوند اسنادو د څیړلو وروسته په یاد ریاست کې نیمګړتیاوې په نښه کړې او د حل په موخه یې د دې ریاست کارکوونکو او مسؤلینو ته لازمې لارښوونې وکړې.

همداراز د څارنې او اروزنې رئیس ښاغلي الحاج مولوي نورالحق حقاني د دې ریاست کړنو او فعالیتونو د څیړنې پر مهال د یاد ریاست مسؤلینو څخه وغوښتل تر څو د یتیمانو، کونډو او معلولینو د تثبیت په پروسه کې د لا شفافیت په موخه د تصفیې ټیمونه جوړ او د غور ولایت ولسوالېو او کلیو ته ولیږل شي تر څو د شهیدانو ورثې او معلولین د شهیدانو او معلولینو چارو وزارت له طرحې او طرزالعمل مطابق بررسي کړي.

په ورته وخت کې د شهیدانو او معلولینو چارو وزارت د څارنې او ارزونې ریاست له لوري ټاکل شوي پلاوي پنجشېر، پروان او کاپیسا ولایتونو ته سفر کړی او هلته یې د یاد وزارت د اړوند ریاستونو کړنو او فعالیتونو تر څيړلو وروسته، د شهیدانو  د یو شمیر وارثینو او معلولیت لرونکو وګړو کورونه له نږدي کتلي او د هغوی پر وړاندې د پرتو ستونزو د حل په برخه کې لازم اقدامات ترسره کړل.

همداراز په ورته وخت کې د یاد رياست بل ګمارل شوی ټيم هم د شته نيمګړتياوو د له منځه وړلو په موخه د شهیدانو او معلولینو چارو وزارت  د توانبخشۍ رياست او د کابل ولایت د شهيدانو او معلولينو رياست فعاليتونه او اجراآت وڅيړل.

تازه خبرونه

شنبه ۱۴۰۳/۲/۲۹ - ۱۴:۵۸
Background image

د لوګر ولايت په خوښۍ ولسوالۍ کې د شهيدانو او معلولینو چارو رياست اړوند مدیریت له کاري بهیر څخه ارزونه ترسره شوه

د لوګر ولايت د شهيدانو او معلولینو چارو رئيس محترم مولوي نیازمحمد په مشرۍ یو پلاوي د دې ولایت په خوښۍ ولسوالۍ کې د ياد رياست اړوند مدیریت کاري بهیر څخه هر اړخیزه ارزونه ترسره کړه او د. . .

شنبه ۱۴۰۳/۲/۲۹ - ۱۱:۵۶
Background image

د پکتيکا ولایت د شهيدانو او معلولینو چارو رئيس د دې ولایت د عامې روغتيا له رئيس سره وکتل

په دې کتنه کې د پکتيکا ولایت د شهيدانو او معلولینو چارو رئيس محترم مولوي محمد نبي وهاج معلولينو ته په مرکز او ولسوالېو کې د روغتیايي اسانتياوو برابرولو او صحي خدمتونو ته د هغوی د لاسرسي. . .

شنبه ۱۴۰۳/۲/۲۹ - ۱۰:۵۹
Background image

په کنړ ولايت کې له یو شمېر معلولینو سره د اقتصادي ځان بساینې په موخه مرستې ترسره شوې

د کنړ ولايت د شهيدانو او معلولینو چارو رياست د ميرمنو لپاره د مهارتونو د زده کړو او تحقيق مؤسسې سره په همغږۍ په دې ولايت کې (۱۲) تنو معلولینو ته د اقتصادي ځان بساینې په موخه مرستې. . .

BACK TO NEWS