د شهیدانو او معلولینو چارو وزارت د رهبري شورا ناسته ترسره شوه
د شهیدانو او معلولینو چارو وزارت د رهبري شورا ناسته ترسره شوه
د شهیدانو او معلولینو چارو سرپرست وزیر پوهنمل حمیدالله فاروقی په مشرۍ د وزارت د رهبري شورا ناسته وشوه. پوهنمل حمیدالله فاروقي د کلنۍ حقونو په ورکړه کې چټکتیا او د سیسټم جوړونې په برخه کې د همکارانو له کړنو مننه وکړه، وویل، چې د شهیدانو وارثینو او معلولیت لرونکو وګړو د ژوند د ښه والي او دوی ته د اسانتیاوو او فرصتونو اړوند باید ټولو شوېو ژمنو ته عملي بڼه ورکړل شي.
د شهیدانو او معلولینو چارو وزارت مرستیالان او اړوندو رییسانو د شهیدانو وارثینو او معلولیت لرونکو وګړو د کلنۍ حقونو ورکړه، د اسنادونو څیړنه او د الیکترونیکي تذکرو د ویش په اړه هر اړخیز معلومات وړاندې کړه.
پرېکړه وشوه، چې د روژې مبارکې میاشتې په درناوي دې ملکي او نظامي شهیدانو ورثې او معلولینو ته د حقوقو ورکړه کې لا چټکتیا رامنځته شي.
