د زابل ولایت د شهیدانو او معلولینو چارو په ریاست کې د ولسوالېو اړوند مدیرانو ته د کاري ظرفیت لوړونې روزنیز سیمینار پیل شو
یاد روزنیز سیمینار چې درې ورځې به دوام ومومي، په هغه کې به، په ولسوالېو کې د یاد ریاست اړوند مدیرانو ته د کاري ظرفیت لوړونې په موخه د ادارې او مدیریت برخو کې زده کړې ورکړل شي.
د دې روزنیز سیمینار په پرانیست غونډه کې د زابل ولایت د شهیدانو او معلولینو چارو رئیس محترم ملا عبدالحکیم دانش خبرې وکړې او د یاد سیمینار په لاره اچول یې مدیرانو ته خورا ګټور او مهم وباله.
په ورته وخت کې ګډونوالو هم د دې ډول سیمینارونو جوړول د ځان لپاره یو ښه فرصت وګاڼه او ژمنه یې وکړه چې له دې فرصت څخه به په ښه توګه ګټه پورته کړي.
