تدارکاتي چارې د چټکې او پروژې د پر وخت پلې شي
تدارکاتي چارې د چټکې او پروژې د پر وخت پلې شي
د شهيدانو او معلولينو چارو سرپرست وزير پوهنمل حميدالله فاروقي په مشرۍ د وزارت رهبري هييت ناسته وکړه او د تدارکاتي چارو د چټکتيا پر څرنګوالي، په سمه توګه د بودجې مصرفولو او د پروژو پر وخت پلی کولو په تړاو يې خبرې وکړې.
ښاغلي فاروقي د تدارکاتي چارو چټکتيا او د کارونو پر وخت ترسره کيدل مهم وګڼل او اړونده چارواکو ته يې لارښوونه وکړه، چې په دې برخه کې ځنډ ونه کړي، د روڼتيا ترڅنګ يې چټکتيا هم په پام کې ونيسي او له همدې لارې پروژې پر خپل وخت پلې او بودجه په سمه توګه مصرف کړي.
نوموړي د اړونده ادارو او بنسټونو ترمنځ د همغږۍ پر پياوړتيا او ګډکار ټينګار وکړ او د ننګونو او ستونزو د هواري په برخه کې يې ورسره د هراړخيزو همکاريو او پاملرنې ژمنه وکړه.
