د بدخشان ولايت مقام، وزير لعل الدين آريوبي او ور سره مل پلاوی وستايه
د بدخشان ولايت مقام، وزير لعل الدين آريوبي او ور سره مل پلاوی وستايه
د شهيدانو او معلولينو په چارو کې د دولت وزير لعل الدين آريوبي او ور سره مل پلاوي د شهيدانو وارثينو او معلوليت لرونکو وګړو د ستونزو له نږدې اورېدو او هواري په موخه بدخشان ولايت ته سفر وکړ، چې د بدخشان د خلکو له تود هرکلی مخ شول.
د بدخشان والي محمد ذکریا سودا د شهيدانو او معلولينو په چارو کې د دولت وزير لعل الدين آريوبي، په وزارت کې د اصلاحي پروګرامونو او شفافيت ستاينه وکړه او د بدخشان د خلکو په استازيتوب يې ترې مننه وکړه، چې د جګړې ځپلو ولسونو لپاره يې د غوره خدمتونو په وړاندې کولو او فساد د مخنيوي په برخه کې د زيات کار کولو سره يې ياد وزارت ته وياړونه ور بښلي دي.
ښاغلي وزير د بدخشان د والي د ستاینو او مننې په ځواب کې، د ولسونو لپاره خدمت پر خلکو احسان نه؛ بلکه خپل مسوليت وباله.
د بدخشان والي د وزارت مقام څخه د ورغلي پلاوي هڅې او د ولسونو پر وړاندې د خدمت تعهد ستاینه وکړه او د مننې او ستاينې په ډول يې ياد پلاوی ته د افغانانو د غوره مشرۍ چپنې ډالۍ کړې.
