د شهیدانو د ورثې او معلولیت لرونکو وګړو اړوند چارې به ګړندۍ شي
د شهیدانو د ورثې او معلولیت لرونکو وګړو اړوند چارې به ګړندۍ شي
د شهیدانو او معلولینو په چارو کې د دولت وزیر لعل الدین آریوبي د دې وزارت د نظامي چارو د مرستیالې او د څارنې او ارزونې رییس ګل احمد عثماني په ملتیا د جمهوري ریاست د چارو ادارې مسولینو سره ناسته وکړه او د شهیدانو د ورثې او معلولیت لرونکو وګړو اړوند چارو یې خبرې وکړې. په دې غونډه کې د شهیدانو او معلولینو په چارو کې د جمهور رییس سلاکار عمرا خان منیب، د عامي روغتیا وزارت او د نورو اړوندو ادارو مسولینو هم ګډون درلود.
ښاغلي آریوبي وویل، چې د شهیدانو د ورثې او معلولیت ارونکو وګړو د اسناد د څېړنې او ارزونې بهیر مرکز او ولایتونو کې چټک روان دی. د دې تر څنګ په ستره محکمه کې د یاد قشر د اسناد د برېښنایي کولو او د عامي روغتیا وزارت له لوري د معلولیت درجې د تثبیت په برخه کې د سرعت لپاره پلان ترتیبیږي.
د جمهوري ریاست د چارو ادارې ژمنه وکړه، چې د سیمه ییزو ارګانونو ادارې سره به په مشترګه توګه ولایتونو کې د شهیدانو د ورثې او معلولینو د ستونزو حل په موخه وزارت سره په همغږۍ ناستې جوړوي.
