د شهیدانو ورثه وو او معلولینو د پالنې په مرکز کې د فني او حرفوي زده کړو له زده کوونکو څخه ازموینه واخیستل شوه
د شهیدانو ورثه وو او معلولینو د پالنې مرکز اړوند د فني او حرفوي زده کړو له (۱۰۲) تنو زده کوونکو څخه له پنځه میاشتنېو زده کړو وروسته په عملي بڼه ازموینه واخیستل شوه.
د یادې ازموینې د اخیستلو پر مهال د شهیدانو ورثه وو او معلولینو د پالنې مرکز رئیس محترم مولوي احسان الله حقاني، د بېلابېلو څانګو آمرینو او د اړوند ریاست کارکوونکو هم شتون درلود.
په یاد مرکز کې د فني او حرفوي زده کړو، زدهکوونکو ته د پنځو میاشتو په موده کې په شپږو (۶) بېلابېلو برخو کې لکه د کمپیوټر، موبایل، برېښنایي وسایلو، موټرسایکلونو، ایرکنډیشنونو ترمیم او خیاطۍ حرفې د زدهکړو زمینه برابره شوې ده.
د دې پروګرامونو اصلي موخه دا ده چې یتیمان او معلولین وکولای شي د ترلاسه شوو مهارتونو په ګټه اخیستنې سره خپل کسب او کار پیل کړي او له اقتصادي پلوه په ځان بسیا شي.
د فراغت پر مهال یادو زده کوونکو ته د خپل مسلک اړوند وسایل او تجهیزات هم ورکول کېږي څو وکولای شي ژر تر ژره د کار بازار ته داخل شي، په خپل مسلک کې بوخت او د خپلې کورنۍ لپاره حلاله روزي وګټي.
