د شهیدانو او معلولینو چارو وزارت مسلکي او تخنیکي چارو مرستیال د یوه با صلاحیته پلاوي په مشرۍ په کندز ولایت کې د دغه وزارت اړوند ریاست کړنې او فعالیتونه په هر اړخیزه توګه وڅیړل

nasrat_admin
پنجشنبه ۱۴۰۲/۳/۱۸ - ۱۲:۲۲
mmd

د یاد باصلاحیته پلاوي  په ترکیب کې د شهیدانو او معلولینو چارو وزارت د پلان او همغږۍ رئیس ښاغلی سید محمد عظیم آغا، د داخلي تفتیش رئیس ښاغلی مولوي احسان الله حقاني د ولایتونو د همغږۍ او انسجام آمر ښاغلی مولوي سردار محمد، د معلولینو د حقونو د محاسبې آمر مولوي محمد ایوب او د دغه وزارت د اړوندو ریاستونو یو شمېر استازو چې مشري یې د شهیدانو او معلولینو چارو وزارت د مسلکي او تخنیکي چارو مرستیال ښاغلی مولوي عبدالرزاق آخند کوي د کندز ولایت د شهیدانو او معلولینو ریاست کړنې او فعالیتونه یې په هر اړخیزه توګه وڅیړل.

د شهیدانو او معلولینو چارو وزارت د مسلکي او تخنیکي چارو مرستیال ښاغلي مولوي عبدالرزاق آخند د دغه ولایت د شهیدانو او معلولینو چارو ریاست د فعالیتونو او کړنو د ارزونې په ترڅ کې خبرې وکړې او زیاته یې کړه: افغانانو د څلور څلویښت کلنو په ترڅ کې د اسلامي نظام د رامنځته کولو په موخه بې شميره قربانۍ ورکړي، اوس زموږ اساسی دنده ده چې یتیمانو، کونډو او معلولینو ته غوره خدمتونه وړاندې کړو.

نوموړي همداراز وویل د دې پلاوي د سفر اصلي موخه د شهیدانو وارثینو او معلولینو ته د خدمتونو د وړاندې کولو او هغوی ته د میاشتنۍ نغدي مرستو د څرنګوالي څېړنه او ارزونه ده تر  څو ډاډ تر لاسه شي چې د شهیدانو وارثینو او معلولینو ستونزو ته پر وخت رسیدګي کیږي.

نوموړي د خپلو خبرو په ترڅ کې زیاته کړه: کله چې موږ خپلو هغو همکارانو ته ګورو چې سیرت او صورت یې د شریعت او د رسول الله صلی الله علیه وسلم له سنتو سره برابر وي، موږ ته خوښي راپه برخه کوي او ستاینه یې کوو.

د شهیدانو او معلولینو چارو وزارت د پلان او همغږۍ رئیس ښاغلي سید محمد عظیم آغا هم  د یاد ریاست د ارزونې په ترڅ کې خبرې وکړې او زیاته یې کړه، دغه پلاوی دې ولايت ته د يتيمانو، کونډو او معلولينو سره د مياشتنۍ نغدي مرستې د څرنګوالي په اړه د څېړنې او ارزونې په موخه راغلی دى.

نوموړي همدا راز زیاته کړه چې د اسلامي امارت مشرانو او مسؤلینو په ټول هیواد کې هیڅ يو یتیم، کونډه او معلول نه دي هیر کړي، د  مرکز په ګډون په ټولو ولایتونو کې د یتیمانو، کونډو او معلولینو د ثبت او راجستر بهیر په شفاف او دقیق ډول روان دی.

همداراز د شهیدانو او معلولینو چارو وزارت د مسلکي او تخنیکي چارو مرستیال د کندز ولایت په چهار درې ولسوالۍ کې د شهیدانو له یو شمیر وارثینو او معلولینو سره له نږدې وکتل او د هغوی د ستونزو له اوریدو وروسته یې له هغوی سره نغدي مرسته هم ترسره کړه.

د یادولو وړ ده چې د شهیدانو او معلولینو چارو وزارت د مسلکي او تخنیکي چارو مرستیال ښاغلي مولوي عبدالرزاق آخند او ورسره مل پلاوي د ستونزو د حل په موخه او  د کرنې، مهاجرينو چارو، اقتصاد او له طبيعي پيښو سره دمبارزې له رياستونو څخه یتیمانو، کونډو او معلولینو ته د پنځه ویشت سلنې مرستو د ورکړې په تړاو د کندز  ولایت د والي مرستیال ښاغلي مولوي حبیب الرحمن صهیب سره وکتل، په دې کتنه کې د کندز د والي مرستيال په یادو برخو کې د هر اړخیزې همکارۍ ژمنه وکړه.

دا په داسې حال کې ده چې یاد پلاوي تر دې وړاندې د بدخشان او تخار ولایتونو د شهیدانو او معلولینو چارو ریاستونو کاري بهیر څیړلی او ټاکل شوې ده چې د بغلان ولایت د شهیدانو او معلولینو چارو ریاست کړنې او فعالیتونه هم په هر اړخیزه توګه وڅیړي.

تازه خبرونه

شنبه ۱۴۰۳/۲/۲۹ - ۱۴:۵۸
Background image

د لوګر ولايت په خوښۍ ولسوالۍ کې د شهيدانو او معلولینو چارو رياست اړوند مدیریت له کاري بهیر څخه ارزونه ترسره شوه

د لوګر ولايت د شهيدانو او معلولینو چارو رئيس محترم مولوي نیازمحمد په مشرۍ یو پلاوي د دې ولایت په خوښۍ ولسوالۍ کې د ياد رياست اړوند مدیریت کاري بهیر څخه هر اړخیزه ارزونه ترسره کړه او د. . .

شنبه ۱۴۰۳/۲/۲۹ - ۱۱:۵۶
Background image

د پکتيکا ولایت د شهيدانو او معلولینو چارو رئيس د دې ولایت د عامې روغتيا له رئيس سره وکتل

په دې کتنه کې د پکتيکا ولایت د شهيدانو او معلولینو چارو رئيس محترم مولوي محمد نبي وهاج معلولينو ته په مرکز او ولسوالېو کې د روغتیايي اسانتياوو برابرولو او صحي خدمتونو ته د هغوی د لاسرسي. . .

شنبه ۱۴۰۳/۲/۲۹ - ۱۰:۵۹
Background image

په کنړ ولايت کې له یو شمېر معلولینو سره د اقتصادي ځان بساینې په موخه مرستې ترسره شوې

د کنړ ولايت د شهيدانو او معلولینو چارو رياست د ميرمنو لپاره د مهارتونو د زده کړو او تحقيق مؤسسې سره په همغږۍ په دې ولايت کې (۱۲) تنو معلولینو ته د اقتصادي ځان بساینې په موخه مرستې. . .

BACK TO NEWS