د شهیدانو او معلولینو چارو وزارت د مالي او اداري چارو عمومي رئیس د یوه با صلاحیته پلاوي په مشرۍ په بدخشان ولایت کې د دغه وزارت اړوند ریاست کړنې او فعالیتونه په هر اړخیزه توګه وڅیړل

nasrat_admin
پنجشنبه ۱۴۰۱/۶/۳۱ - ۱۲:۵۲
mmd

د مالي او اداري چارو عمومي رئیس مولوي کلیم الله افغان چې د یو با صلاحیته پلاوي په مشرۍ بدخشان ولایت ته سفر کړی دی، د یاد ولایت د شهیدانو او معلولینو چارو ریاست د کړنو او فعالیتونو د بررسي او څیړنې پر مهال د نوموړي ریاست کارکوونکو ته لارښوونه وکړه تر څو د بودیجې د مصرف په برخه کې جدي پاملرنه وکړي او دې ریاست ته ځانګړې شوې بودیجه پر وخت او شفاف ډول مصرف کړي، تر څو یتیمان او معلولیت لرونکي وګړي وکولې شي په آسانۍ سره خپل حقوق او امتیازات پر وخت ترلاسه کړي.

د شهیدانو او معلولینو چارو وزارت د مالي او اداري چارو عمومي رئیس د بدخشان ولایت د شهیدانو او معلولینو چارو ریاست د کړنو او فعالیتونو د څیړلو په ترڅ کې د یتیمانو د وکیلانو لخوا د هغوی د حقوقو د ورکړې د څرنګوالي په هکله د یاد ریاست له رئیس سره خبرې وکړې، تر څو ډاډ ترلاسه شي چې د وکیلانو لخوا اړوندو یتیمانو ته حقوق او امتیازات په ښه توګه رسول کیږي، او په یاده برخه کې په ګډه سره اغیزمن تدابیر ونیول شول.

نوموړي همداراز یتیمانو او معلولینو ته د غوره او معیاري خدمتونو د وړاندې کولو په موخه د یاد ریاست کارکوونکو ته لازمې لارښوونې وکړې او هغوی یې وهڅول تر څو په ورځنېو چارو کې  له مراجعینو سره ښه چلند وکړي.

د بررسي او څیړنې ځانګړي پلاوي د معلولینو او یتیمانو د تثبیت په پروسه کې د روڼتیا د معلومولو او همدارنګه د طرحې سره سم د هغوی د حقوقو د ورکړې په برخه کې له  یو شمېر یتیمانو او معلولیت لرونکو وګړو سره له نږدې وکتل او د هغوې څخه یې د خدمتونو د وړاندې کولو د څرنګوالي  په هکله پوښتنې وکړې.

نوموړي پلاوي تر دې وړاندې  د بامیان، بغلان، سمنګان، بلخ، جوزجان، سرپل، کندز او تخار ولایتونو کې د شهیدانو او معلولینو چارو ریاستونو کړنې او فعالیتونه په هراړخیز ډول څېړلي وو. په شفاف او پر وخت د بودیجې د مصرفولو څرنګوالی، یتیمانو ته د اړوندو وکیلانو لخوا د حقوقو د ورکړې څرنګوالی، معلولیت لرونکو او یتیمانو ته د ښو خدمتونو وړاندې کولو څرنګوالی او همدارنګه د تثبیت په پروسه کې دشفافیت او د یادو ریاستونو پر وړاندې د پرتو ستونزو او ننګونو له منځه وړل د دې بررسۍ او څیړنې اصلي موخه ده.

د یادونې وړ ده چې د ارزونې د پلاوي  په ترکیب کې د داخلي تفتیش رئیس مولوي احسان الله حقاني، د معلولینو چارو رئیس مولوي عبدالنافع منتفع او د څارنې او ارزونې ریاست غړی شامل دي، چې مشري یې د شهیدانو او معلولینو چارو وزارت د مالي او اداري چارو عمومي رئیس مولوي کلیم الله افغان کوي.

تازه خبرونه

چهارشنبه ۱۴۰۱/۷/۱۳ - ۱۶:۱۶
Background image

د معلولیت لرونکو وګړو د تثبیت فورمې بیاځلې کتل کیږي

د څلور زرو معلولیت لرونکو وګړو د تثبیت فورمې د هغه هیئت لخوا چې په ترکیب کې یې د شهیدانو او معلولینو چارو وزارت د داخلي تفتیش رئیس مولوي احسان الله حقاني، د معلولینو د تثبیت او. . .

چهارشنبه ۱۴۰۱/۷/۱۳ - ۱۴:۳۰
Background image

د شهیدانو او معلولینو چارو وزارت له خوا د پارالمپیک شپږ دیرشو لوبغاړو باندې د لوبو جامې وویشل شوې

د شهيدانو او معلولينو وزارت له خوا د پارالمپيک په شپږ دیرشو معلولیت لرونکو لوبغاړو باندې د لوبو جامې ووېشل شوې.

په هغه پروګرام کې چې په همدې موخه د شهيدانو او معلولينو په وزارت کې جوړ. . .

چهارشنبه ۱۴۰۱/۷/۱۳ - ۱۴:۲۵
Background image

د شهیدانو او معلولینو چارو په وزارت کې د کارکوونکو د ظرفیت لوړونې په موخه روزنیز پروګرام پیل شو

د شهیدانو او معلولینو چارو وزارت  د کارکوونکو د ظرفیت لوړونې په موخه روزنیز پروګرام پیل کړ، په یاد روزنیز پروګرام کې به د وزارت اړوند،  ټولو کارکوونکو ته د قرآن عظیم الشان د ناظرې او. . .

BACK TO NEWS