په لوګر ولایت کې پر (۲۰۰) تنو مستحقو یتیمانو باندې مرستې ووېشل شوې
د لوګر ولایت د شهیدانو او معلولینو چارو ریاست د(ZFA) مرستندویه مؤسسې سره په همغږۍ د یاد ولایت پر (۲۰۰) تنو مستحقو یتیمانو باندې مرستې چې په هغه کې اوړه، غوړي، وریجې او د نورو خوراکي موادو ترڅنګ، د حفظ الصحې توکي هم شامل وو، په منظم او عادلانه ډول ووېشل.
د یادو مرستو د وېش پر مهال د لوګر ولایت د شهیدانو او معلولینو چارو رئیس محترم مولوي باقي بالله فضلي او د یادې موسسې استازو هم شتون درلود او د مرستو د وېش له بهیر څخه یې نظارت وکړ.
