د شهيدانو او معلولينو په چارو کې د دولت وزارت د اطلاعاتو او عامه اړيکو همکارانو د شهيد ضياء ودان روح ته دوعا وکړه
د شهيدانو او معلولينو په چارو کې د دولت وزارت د اطلاعاتو او عامه اړيکو همکارانو د شهيد ضياء ودان روح ته دوعا وکړه
نن يکشنبه د مرغومې په ۲۸مه، د شهيدانو او معلولينو په چارو کې د دولت وزارت د اطلاعاتو او عامه اړيکو رياست همکارانو د ارواښاد ضياء ودان روح ته دوعا وکړه.
دوی د شهید ضيا ودان د هغو خدمتونو، فعاليتونو او نه ستړې کيدونکو هلو ځلو يادونه وکړه، کوم چې ارواښاد د شهيدانو او معلولينو په چارو کې د دولت وزارت کې د اتل اړيکو (کال سنټر) مسول په توګه ترسره کړي وو او د خدای بخښلي نشتون يې د هېواد، په ځانګړي ډول د ځوان قشر لپاره نه جبرانيدونکې تشه وبلله.
د اطلاعاتو او عامه اړيکو همکارانو د شهید ودان کورنۍ سره په دې ستر غم کې ځانونه شريک وګڼل او د توان مطابق يې ورسره د همکارۍ او لاسنيوي ډاډ ورکړ.
دوی ټينګار وکړ، چې د ارواښاد ودان روح د ښاد ساتلو په موخه به د هغه (ولسونو لپاره د خدمت، سپيڅلتيا، ريښتينوالۍ او اخلاص) تګلاره تعقيبوي او د مرحوم ارمانونو د پوره کيدو لپاره به کار کوي.
روح يې ښاد او ياد يې تلپاتې!