افغان سویس د لوړو زده کړو طبي موسسې د معلولیت لرونکو وګړو نړیواله ورځ ونمانځله
افغان سویس د لوړو زده کړو طبي موسسې د معلولیت لرونکو وګړو نړیواله ورځ ونمانځله
دا نمانځغونډه د افغان سویس لوړو زده کړو موسسې د رهبرۍ او زده کړیالانو له لوري د ابو علي سینا بلخي په تالار کې جوړه شوې وه او د شهیدانو او معلولینو په چارو کې د دولت وزارت د معلولینو د ملي انستیتیوت رییس ښاغلي ډاکټر فضل الله محمدي او د جنډر برخې سترې سلاکارې مېرمن صفیې صدیقي هم پکې ګډون درلود.
په دې غونډه کې د یادې موسسې او د وزارت مسوولینو د دې ورځې پر ارزښت خبرې وکړې او د معلولیت لرونکو وګړو د ستونزو ته د رسیدګۍ په اړه یې خپل نظرونه او لیدلوري شریک کړه.
د یادونې وړ ده، چې دغه موسسه یاد وزارت سره د شوي هوکړه لیک له مخې د شهیدانو وارثینو او معلولینو ته د معالجوي طب او د ستوماتولوژي پوهنځیو لپاره هر کال ۵ تنه په وړیا توګه مني او ۵ نورو ته ۵۰ سلنه تخفیف ورکوي.
د نمانځغونډې په پای کې د دې موسسې رهبرۍ د شهیدانو او معلولینو په چارو کې د دولت وزارت د جنډر برخې سترې سلاکارې مېرمن صفیې صدیقي او څو تنو معلولینو ته د دوی د ښو کړنو له امله مننلیکونه ورکړه.
