د هلمند ولایت معلولیت لرونکو وګړو پر ستونزو بحث وشو
د هلمند ولایت معلولیت لرونکو وګړو پر ستونزو بحث وشو
د شهیدانو او معلولینو په چارو کې د دولت وزیر لعل الدین آریوبي په ولسي جرګه کې د هلمند ولایت استازو محمد کریم اتل، نسیمې نیازۍ او یو شمېر معلولیت لرونکو وګړو سره وکتل او د دوی ستونزې او غوښتنې یې واورېدې.
د هلمند ولایت معلولیت لرونکو وګړو د خپلو حقوقو، په دې ولایت کې د اسایشګاوو جوړولو او ځینو نورو مسایلو په اړه خبرې وکړې وویل، چې د ځیني معلولین له حقوقو اخیستو پاتي باید پاملرنه ورته وشي.
ښاغلي آریوبي په ولسي جرګه کې د یاد ولایت استازو او معلولینو ته ښه راغلاست ووایه زیاته یې کړه، ځینو ولایتونو کې د اسایشګاوو جوړوېدو په طرحه کار شوی او اړوندو ادارو سره یې د تطبیق په اړه کار کوي. ښاغلي آریوبي د حقوقو د ځنډ په اړه څرګنده کړه، چې د ځینو معلولینو په اسنادو کې ښایي ستونزه وي او یا یې هم د عزیزي بانک نوی کارت نه وي اخیستی. ټولو ته یې سپارښتنه وکړه، چې د عزیزي بانک نوي کارتونه ترلاسه کړي، تر څو یې حقوق پر وخت بانکي حسابونو ته ورسېږي.
په ولسي جرګه کې د هلمند ولایت استازو مننه وکړه، چې د موکیلینو ستونزو ته یې رسېدنه کېږي.
