د شهیدانو او معلولینو چارو وزارت د کونډو او معلولینو د ملاتړ په موخه د یفت خیریه مؤسسې سره د همکارۍ هوکړه لیک لاسلیک کړ
یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس او د یفت خیریه مؤسسې مرستیال محترم محمد راشد حیدري تر منځ لاسلیک شو، د هغه پر بنسټ به، په کابل ولایت کې (۱۰۰) تنو معلولینو ته ویلچرونه او همداراز (۵۰) تنو کونډو ته د هغوی د اقتصادي ځان بساینې په موخه د خیاطۍ ماشینونه چمتو او ووېشل شي.
د یادونې وړ ده چې د یادې پروژې مجموعي ارزښت یوولس زره، دوه سوه او پنځوس (۱۱۲۵۰) امریکايي ډالره دی چې په کابل ولایت کې به تطبیق شي.
