د هلمند ولایت د شهیدانو او معلولینو چارو رئيس د یو شمېر بانکونو له استازو سره وکتل
د هلمند ولایت د شهیدانو او معلولینو چارو رئيس محترم ملا صدوخان حق شناس په یاد ولایت کې د کابل بانک، عزیزي بانک، اسلامي بانک او ملي بانک د څانګو له استازو سره وکتل، په ليدنه کې د شهیدانو ورثه وو او معلولیت لرونکو وګړو د میاشتني نغدي مساعدتونو د وېش په بهیر کې د شته ستونزو او نیمګړتیاوو ته د رسیدګۍ، هغوی ته د ښو بانکي خدمتونو وړاندې کولو او یو لړ نورو مهمو موضوعاتو په تړاو خبرې وشوې.
په ورته وخت کې د بانکونو استازو هم ژمنه وکړه چې یادو ستونزو ته به رسیدګي کوي او مستحقو کسانو ته به غوره او آسانه بانکي خدمتونه وړاندې کړي.
