د میدان وردګ ولایت د شهیدانو او معلولینو چارو ریاست کې د دعوت او ارشاد له چارو څخه ارزونه ترسره شوه
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود په مشرۍ یو پلاوي چې د مالي او حسابي چارو رئیس محترم مولوي محمد امین دروېش یې ملتیا کوله، میدان وردګ ولایت ته یې د سفر پر مهال د شهیدانو او معلولینو چارو ریاست اړوند د دعوت او ارشاد له چارو څخه یې هر اړخیزه ارزونه ترسره کړه.
محترم مفتي عبدالاحد مسعود د دعوت او ارشاد د اهمیت او ارزښت په اړه تفصیلي خبرې وکړې او زیاته یې کړه چې دعوت او ارشاد د ټولنې د سمون او اصلاح لپاره ضروري دی او هر کارکوونکی باید په دې برخه کې خپل مسؤلیت په اخلاص او صداقت سره ترسره کړي او همدارنګه ټولو کارکوونکو ته یې سپارښتنه وکړه چې د عالیقدر امیرالمؤمنین حفظه الله تعالی لارښوونې او توصیې په خپل ورځني ژوند کې عملي کړي، او هڅه وکړي چې د ناسمو او ناروا رواجونو څخه په کلکه ډډه وکړي.
د یادونې وړ ده چې یاد پلاوي د میدان وردګ ولایت د شهیدانو او معلولینو چارو په ریاست کې د دعوت او ارشاد له مسؤل سره یې یو اندازه نغدي مرسته هم ترسره کړه.
