د شهیدانو او معلولینو چارو په وزارت کې پر (۴۲۵) تنو اړمنو کسانو باندې مرستې ووېشل شوې
د شهیدانو او معلولینو چارو وزارت د یوې خیریه مؤسسې سره په همغږۍ د کابل ولایت اړوند پر (۴۲۵) تنو مستحقو یتیمانو، کونډو مېرمنو، معلولینو او اړمنو کسانو باندې د خوراکي توکو شپږ ډوله مرستې ووېشلې، په یادو مرستو کې اوړه، غوړي، وریجې او ځینې نور خوراکي مواد شامل وو.
د یادو مرستو د وېش پر مهال د ټولنیزو خدمتونو د تنظیم رئیس محترم مولوي ثناء الله فرقاني، د پروژو څخه د څارنې او ارزونې آمر محترم ملا مطیع الله ابوالمختار، د ټولنیزو خدمتونو آمر محترم صفي الله سدید او د یادې مؤسسې مسؤلینو حضور درلود، چې د مرستو د وېش له بهیر څخه یې په هر اړخیز ډول نظارت ترسره کړ.
د یادونې وړ ده چې یادې مؤسسې تر وړاندې د شهیدانو او معلولینو چارو وزارت سره په همغږۍ د هېواد په بېلابېلو ولایتونو کې د شهیدانو او معلولینو زرګونو کورنیو سره ورته مرستې ترسره کړي دي.
