د شهیدانو او معلولینو چارو په وزارت کې (۴۰۰) تنو مستحقینو ته د خوراکي مرستو وېش
د شهیدانو او معلولینو چارو وزارت د مستحقو کسانو د لاسنیوي په موخه د يوې خیریه مؤسسې سره په همغږۍ د کابل ولايت اړوند پر (۴۰۰) تنو مستحقو یتیمانو، کونډو مېرمنو او معلولینو باندې مرستې چې په هغه کې اته (۸) ډوله خوراکي توکي موجود وو، په منظم او عادلانه ډول ووېشل.
د مرستو وېش د ټولنیزو خدمتونو د تنظیم رئیس محترم مولوي ثناء الله فرقاني، د پرمختيايي پروژو د تطبیق څخه د څارنې او ارزونې آمر محترم ملا مطیع الله ابوالمختار، د نشراتو آمر محترم حافظ محمد یعقوب روښان، د ټولنیزو خدمتونو آمر محترم صفي الله سدید او د مؤسسې مسؤلينو ترڅارنې لاندې ترسره شو.
