د شهیدانو او معلولینو چارو وزارت مرستیال محترم شیخ صاحب عبدالحکیم حقاني د غزني ولایت له والي سره وکتل
د شهیدانو او معلولینو چارو وزارت مرستیال محترم شیخ صاحب عبدالحکیم حقاني چې د دې وزارت د کارکوونکو چارو رئیس محترم مولوي محمد موسی صدیقي یې ملتیا کوله، غزني ولایت ته یې د سفر په ترڅ کې د یاد ولایت له والي محترم الحاج حافظ محمد امین عمري سره وکتل.
د دې کتنې په ترڅ کې محترم شیخ صاحب، غزني ولایت ته یې د خپل سفر د موخو او اهدافو په هکله معلومات وړاندې کړل او له والي سره یې د شهیدانو او معلولینو چارو ریاست په وړاندې د پرتو ستونزو او ننګونو د له منځه وړلو په موخه مفصلې خبرې وکړې.
په ورته وخت کې د غزني ولایت والي هم د یاد ریاست په وړاندې شته ستونزو او ننګونو ته د رسیدګي په برخه کې د همکارۍ ژمنه وکړه.
محترم شیخ صاحب همداراز د غزني ولایت د شهیدانو او معلولینو چارو ریاست د فعالیتونو او اجراآتو څخه هم هر اړخیزه ارزونه ترسره کړه او یتیمانو، کونډو او معلولینو ته یې د لا غوره او معیاري خدمتونو وړاندې کولو په پار اړوند مسؤلینو ته لازمې لارښوونې او سپارښتنې وکړې.
