د شهیدانو او معلولینو چارو وزارت مالي او تدارکاتي غونډه ترسره شوه
د شهیدانو او معلولینو چار وزارت د مالي او اداري چارو عمومي رئیس محترم مولوي کلیم الله افغان په مشرۍ مالي او تدارکاتي غونډه جوړه شوه، چې په کې د مالي او حسابي چارو رئیس محترم مولوي محمد امین درویش، د اداري خدمتونو رئیس محترم مولوي عبدالرحمن فهیم، او همدارنګه د شهیدانو او معلولینو چارو وزارت د تدارکاتو آمر محترم قاري عبدالباسط هم برخه اخیستې وه.
په دې غونډه کې د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان د قراردادونو د لاسلیک، خریدارۍ، د تکمیل شویو پروژو او د دوه ویشتم کود (متفرقه لګښتونو) څخه د ځانګړې شوې بودیجې په برخه کې د مالي او اداري چارو ریاست او د تدارکاتو آمریت د فعالیتونو په اړه راپور واوریده.
په دې غونډه کې دغه راز د څلويښتو (٤٠) میلیونو افغانيو په ارزښت د پروژو په هکله چې اوولس (١٧) پروژې کیږي هم خبرې وشوې او یادونه وشوه چې له دې جملې څخه لس (١٠) پروژې بشپړې شوې او اووه نورې (٧) پروژې تر کار لاندې دي.
دغه راز په دې ناسته کې د شهیدانو او معلولینو چارو وزارت د امنیت د ټینګښت پروژې په اړه هم هراړخیزې خبرې وشوې.
