کابل ښار کې د شهیدانو وارثینو او معلولیت لرونکو وګړو ته کاري فرصتونه رامینځته کیږي.
کابل ښار کې د شهیدانو وارثینو او معلولیت لرونکو وګړو ته کاري فرصتونه رامینځته کیږي.
د شهیدانو او معلولینو په چارو کې ددولت وزیر ښاغلي لعل الدین آریوبي د کابل ښاروال ښاغلي محمد داود سلطانزوی سره لیدنه وکړه.
یاده ناسته کې ښاغلي لعل الدین اریوبي د شهیدانو وارثینو او معلولیت لرونکو وګړو ستونزې او غوښتنې شریکې کړې. ښاغلي آریوبي وویل، په اداره کې د درې سلنه معلولین استخدام، دولتي ادارو او خدمتونو ته د معلولینو لاسرسی او دې قشر ته د لاسي خرڅلاو د غرفو ویش باید د کابل ښاروالۍ په لومړیتوب کې وي تر څو ددوي اساسي ضرورتونو ته په وخت رسیدګي وشي.
د کابل ښاروالۍ ښاروال ښاغلي محمد داود سلطانزوی له ښاغلي آریوبي څخه مننه وکړه او د شهیدانو وارثین او معلولیت لرونکي وګړي یې د هیواد ساتنې په لاره کې اصلي اتلان وبلل. ښاغلي سلطانزوی وويل، د شهیدانو وارثینو او معلولیت لرونکو وګړو ته د خدمتونو وړاندې کول د ښاروالۍ له اساسي او مهمو دندو څخه ده، چې په دې لاره کې يې د بشپړې هر اړخيزې همکارۍ ډاډ ورکړ او زياته يې کړه چې د ښاري نظم د ساتنې په موخه د دواړو ادارو ګډ کار او همغږي به زیاته شي.
