په کونړ ولایت کې له (۱۹۶) تنو یتیمانو، کونډو او معلولینو سره نغدي مرستې وشوې
د کونړ ولايت اړوند خاص کونړ ولسوالۍ کې د خوړو نړیوال سازمان په مالي ملاتړ او د شپول خیریه مؤسسې له لورې پر (۱۹۶) تنو یتیمانو، کونډو او معلولیت لرونکو وګړو باندې نغدي مرستې وویشل شوې، چې په یادو مرستو کې هر مستحق ته (۴۳۰۰) افغانۍ ورکړل شوې چې دا مرستې به تر څلورو میاشتو دوام ومومي.
د مرستو د ویش پر مهال د کونړ ولایت د شهيدانو او معلولينو چارو رئيس مولوي عبيدالله حقاني د نوموړې مؤسسې له کړیو مرستو څخه مننه وکړه او په نورو خیریه بنسټونو یې غږ وکړ تر څو د دې بیوزله او اړمن قشر لاسنيوی وکړي.
