په هرات ولایت کې پر (۴۰۰) تنو مستحقو کسانو باندې مرستې ووېشل شوې
په یادو مرستو کې چې اوړه، غوړي، وریجې او پنځه ډوله نور خوراکي مواد شامل وو، د هرات ولایت د شهيدانو او معلولينو چارو ریاست د یوې خیریه مؤسسې سره په همغږۍ پر څلور سوه (۴۰۰) تنو مستحقو یتیمانو، کونډو او معلولینو باندې په شفاف او منظم ډول ووېشل.
د مرستو د وېش پر مهال د هرات ولایت د شهيدانو او معلولينو چارو رئيس محترم الحاج مولوي علاء الدين سعد د یادې مؤسسې له مسؤلینو څخه د دې اړمن قشر لپاره د مرستو د وېشلو په پار مننه او قدرداني وکړه.
