په ميدان وردګو ولايت کې د ولايتي ادارو ترمنځ د همغږۍ (PDSCG) ګروپ جوړ شو
په ميدان وردګو ولايت کې د ولايتي ادارو ترمنځ د همغږۍ (PDSCG) ګروپ جوړ شو
د ميدان وردګو ولايت د شهيدانو او معلولينو چارو آمريت د سويډن کميټې په همکارۍ د شهيدانو ورثې او معلوليت لرونکو وګړو ستونزو ته پر وخت د رسيدنې او غوره خدمتونو وړاندې کولو په موخه د اړونده ولايتي ادارو ترمنځ د همغږۍ (PDSCG) ګروپ جوړ شو.
په دغه ناسته کې چې د ولايت مقام، اړونده سکتوري رياستونو او د معلوليت لرونکو وګړو مدني بنسټونو استازو ګډون درلود، ټينګار وکړ چې د ولايتي همغږۍ لپاره د ګروپ شتون اړين دی او د شته ستونزو او خنډونو د هواري لپاره همغږي او ګډکار ته جدي اړتيا ده.
يادې کميټې د چارو د لا ښه والي په پار، خپلمنځي اداري هيئت هم وټاکه، تر څو اړونده چارې تعقيب او ترسره کړي.
