د شهیدانو او معلولینو چارو وزارت د مالي او اداري چارو عمومي رئیس په ولایتونو کې د وزارت اړوندو ریاستونو ته د باکیفیته انټرنټي خدمتونو د وړاندې کولو په موخه د افغان ټلیکام مخابراتي شرکت له استازو سره لیدنه وکړه

nasrat_admin
شنبه ۱۴۰۲/۹/۲۵ - ۱۲:۱۴
mmd

په هغه غونډه کې چې په همدې موخه د شهیدانو او معلولینو چارو وزارت کې تر سره شوه په هغه کې د یاد وزارت د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صدیقی، د ډیټابیس اومعلوماتو رئیس محترم الله محمد دوست، د اداري او خدماتو رئیس محترم مولوي سردار محمد حبیب او د افغان ټلیکام مخابراتي شرکت استازو ګډون درلود.

د دې ناستې په ترڅ کې د شهیدانو او معلولینو چارو وزارت اړوند انټرنټي خدمتونو په هکله چې د یاد شرکت له خوا دې وزارت ته چمتو کیږي هر اړخیز معلومات وړاندې شول او د انټرنټ د سرعت څرنګوالی، کیفیت او ځینې نورې اړوندې ستونزې غونډې ته وړاندې شوې.

په دې غونډه کې د یاد وزارت د مالي او اداري چارو عمومي رئیس محترم مولوي کلیم الله افغان د افغان ټلیکام مخابراتي شرکت له استازو څخه وغوښتل چې د شهیدانو او معلولینو چارو وزارت او په ولایتونو کې د وزارت اړوندو ریاستونو ته د امنیت له اړخه خوندي، باکیفیته او په کم قیمت انټرنټي خدمتونه وړاندې کړي.

په ورته وخت کې د افغان ټلیکام مخابراتي شرکت استازو هم ژمنه وکړه چې یاد شرکت به هڅه وکړي تر څو دې وزارت او په ولایتونو کې د دې وزارت اړوندو ریاستونو ته باکیفیته او په ټیټ قیمت انټرنټي خدمتونه وړاندې کړي.

تازه خبرونه

سه‌شنبه ۱۴۰۴/۵/۲۱ - ۹:۳۹
Background image

په بادغیس ولایت کې د شهیدانو او معلولینو پر (۹۰۰) کورنيو باندې مرستې ووېشل شوې

د بادغیس ولایت د شهیدانو او معلولینو چارو ریاست د یوې خیریه مؤسسې سره په همغږۍ د یاد ولایت اړوند د شهیدانو او معلولینو پر (۹۰۰) مستحقو کورنيو باندې د خوراکي توکو مرستې چې په هغه کې اوړه. . .

سه‌شنبه ۱۴۰۴/۵/۲۱ - ۹:۳۷
Background image

د شهیدانو او معلولینو چارو وزارت د کارکوونکو چارو رياست کې د لا زياتې همغږۍ او د کاري بهير د ښه ‌والي په موخه اداري غونډه ترسره شوه

د شهیدانو او معلولینو چارو وزارت د کارکوونکو چارو رئیس محترم مولوي محمد موسی صدیقي تر مشرۍ لاندې اداري غونډه ترسره شوه، چې په هغه کې د ریاست اړوند آمرینو او ټولو کارکوونکو ګډون کړی وو.. . .

سه‌شنبه ۱۴۰۴/۵/۲۱ - ۹:۳۱
Background image

د شهیدانو او معلولینو چارو وزارت او د (MAPWO) خیریه مؤسسې ترمنځ د هوکړه لیک لاسلیک

د شهیدانو او معلولینو چارو وزارت د یتیمانو او معلولینو د اقتصادي ځان بسیاینې په موخه، د (۲۰۰) زره و (۴۹۰) ډالرو په ارزښت د (MAPWO) خیریه مؤسسې سره د همکارۍ هوکړه لیک لاسلیک کړ، چې له. . .

BACK TO NEWS