د اسنادو څېړنې او بایومتریک پروسې تطبیق سره به د فساد او غیر قانوني کړنو مخنیوی وشي
د اسنادو څېړنې او بایومتریک پروسې تطبیق سره به د فساد او غیر قانوني کړنو مخنیوی وشي!
د شهیدانو او معلولینو په چارو کې د دولت وزیر ښاغلي لعل الدین آریوبي د سترې محکمې، عامې روغتیا وزارت، لوی څارنوالۍ، سیمه ییزو ارګانونو خپلواکې اداره، د نفوسو د ثبت ملي ادارې او ملي امنیت عمومي ریاست استازو سره د معلولینو او شهیدانو د وارثینو اسنادو په څېړنې، ارزونې او بیا کتنه کې د جلالتماب جمهور رییس د حکم پر تطبیق خبرې وکړې.
ښاغلي آریوبي ولایتونو کې د اسنادو د څېړنې او ارزونې د کمېټو د زیاتوالي مېکانیزم په اړه خپل نظرونه شریک کړه، زیاته یې کړه، چې د اسنادو د څېړنې بشپړېدو وروسته به په ټولو ولایتونو کې د بایومټریک پروسه عملا پیل شي.
د همکارو ادارو استازو د هر اړخیزې همکارۍ ډاډ ورکړ وویل، چې په پوره ژمنتیا به کار وکړي، تر څو یاده پروسه بریالۍ او د جلالتماب جمهور رییس حکم په ښه توګه تطبیق شي.
