د ننګرهار ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور

د ننګرهار ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د شهیدانو او معلولینو په چارو کې د دولت وزارت د رهبرۍ د پرېکړې پر بنسټ د ننګرهار ولایت نظامي او ملکي معلولینو ته د ۱۳۹۹ کال حقوقو ورکړه پیل شوې ده.
د یاد ولایت د شهیدانو او معلولینو چارو آمریت د راپور پر اساس د دې ولایت اړوند (۴۴۷۵) نظامي شهیدانو د شپږو میاشتو حقوقو د دوی بانکي حسابونو ته لېږدول شوي دي او (۲۷۵۶۴۸۱۳۵) افغانۍ بودیجه ورته ځانګړې شوې وه. د هغو شهیدانو وارثین، چې په افغان ملي بانک کې کارتونه لري، همدې بانک ته دې مراجعه وکړي.
(۹۴۹) تنو نظامي معلولینو د شپږو میاشتو حقوق ترلاسه کړي دي او دوی ته (۵۶۸۸۸۶۴۶) افغانۍ بودیجه ځانګړې شوې وه. هغه معلولین چې په عزیزي بانک کې کارتونه لري عزیزي بانک او کوم، چې په کابل بانک کې کارتونه لري، کابل بانک ته دې مراجعه وکړي.
د ټولو ملکي معلولینو او شهیدانو حقوق تر کار لاندې دي او ژر به بانکي حسابونو ته واستول شي. له ټولو ملکي معلولینو او شهیدانو وارثینو د زغم او حوصلې او همکارۍ هیله لرو.