د پنجشېر ولايت د شهیدانو او معلولینو چارو رئيس پريان ولسوالۍ ته سفر وکړ
د پنجشېر ولايت د شهیدانو او معلولینو چارو رئیس محترم قاري عنایت الله مولوي زاده یتیمانو، کونډو او معلولینو ته د خدمتونو وړاندې کولو له څرنګوالي څخه د ارزونې په موخه، پريان ولسوالۍ ته سفر وکړ، هلته یې د شهیدانو او معلولینو چارو مدیريت چارې له نږدې وارزولې.
د دې سفر پر مهال د شهیدانو او معلولینو له (۱۶) کورنیو سره یې هم له نږدې وکتل، د هغوی ستونزې او غوښتنې واوريدې او ورسره یې ژمنۍ مرستې هم ترسره کړې.
د یادونې وړ ده چې د یادې ولسوالۍ د شهیدانو کورنیو او د معلولیت لرونکو وګړو هم د شهیدانو او معلولینو چارو رئیس د پاملرنې او رسیدګۍ څخه خوښي څرګنده کړه.
