د شهيدانو ورثه ؤ او معلولینو د پالنې په مرکز کې د فني او حرفوي زده کړو (۱۵۳) تنو زده کوونکو ته مرستې ووېشل شوې
د شهيدانو ورثه ؤ او معلولینو د پالنې مرکز د (HHRD) نړیوالې مؤسسې سره په همغږۍ د فني او حرفوي زده کړو پر (۱۵۳) تنو زده کوونکو باندې خوراکي توکي چې په هغه کې وریجې، لوبیا، بوره او نور مواد شامل وو، په شفاف او منظم ډول ووېشل، په ورته وخت کې هر مستحق ته (۷۱۶۰) افغانۍ د نغدي مرستې په توګه هم ورکړل شوې.
د یادو مرستو د وېش پر مهال د شهيدانو ورثه ؤ او معلولینو د پالنې مرکز رئيس محترم ملا رحمت الله خالد، د برنامو او همغږۍ آمر محترم مولوي حفیظ الحق عمري، د فني او حرفوي زده کړو د آمریت سرپرست محترم غلام مرتضی رستمي، د ټولنیزو چارو خدمتونو د تنظیم رياست استازي محترم شیرین آغا او د (HHRD) نړیوالې مؤسسې مسؤلينو هم شتون درلود.
