په کابل ولایت کې پر (۴۰۰) تنو مستحقو کسانو باندې د ژمنيو توکو مرستې ووېشل شوې
د کابل ولایت د شهیدانو او معلولینو چارو رياست د قمر خیریه بنسټ سره په همغږۍ د کابل ښار په دولسمه ناحیه ارزان قيمت سیمه کې پر (۴۰۰) تنو مستحقو یتیمانو، کونډو او معلولینو باندې ژمني توکي ووېشل چې هر مستحق ته د پنځه زره (۵۰۰۰) افغانېو په ارزښت مرسته وشوه.
د یادو مرستو د وېش پر مهال د قمر خیریه بنسټ عمومي مشر محترم رحمت الله نوروز، د کابل ولایت د شهیدانو او معلولینو چارو رياست د ټولنیزو خدمتونو د تنظیم عمومي مدیر ښاغلي احمدیار او د څارنې او ارزونې ریاست د پرمختیایي پروژو د تطبیق عمومي مدیر ښاغلي محمد فاروق ځلاند حضور درلود.
