په ننګرهار ولایت کې د شهیدانو او معلولینو چارو ریاست کړنې او فعالیتونه په هر اړخیزه توګه وڅیړل شول!
د شهیدانو او معلولینو چارو وزارت د څارنې او ارزونې رئیس محترم الحاج مولوي نورالحق حقاني په مشرۍ یو پلاوی چې د یاد ریاست د تطبیقي پلانونو څخه د څارنې او ارزونې آمر محترم ملا اهل الله او د دې ریاست دوه مسلکي غړي هر یو محترم محمد شفیق شیرزاد او محترم محمد فاروق ځلاند یې ملتیا کوي، په ننګرهار ولایت کې د شهیدانو او معلولینو چارو ریاست کړنو او فعالیتونو څخه هر اړخیزه څیړنه او ارزونه ترسره کړه.
په پیل کې د یاد ریاست رئیس ښاغلی محمد صابر ځواک او اړوند کارمندانو سره اداري جلسه ترسره شوه.
الحاج مولوي نورالحق حقاني د یاد ریاست مسؤلینو او کارکوونکو ته خبرې وکړې او زیاته یې کړه: دنده یو دروند مسؤلیت ده هڅه وکړئ چې په اخلاص او صداقت سره یې تر سره کړي زمونږ هم امید شته چې تاسو به خپلي دندې په ښه توګه تر سره کوئ خو لا هم زیاتي هڅې او کوششونه وکړي د خپل رئیس او آمر اطاعت واجب ده ، په پوره اخلاص سره خپل سپارل شوي مسؤلیتونه تر سره کړئ تر څو یتیمانو، کونډو او معلولینو ته غوره خدمتونه وړاندې شي.
د یادونې وړ ده چې یاد پلاوی به د یتیمانو، کونډو او معلولینو د تثبیت په پروسه کې د شفافیت او د ځینو ستونزو د حل په موخه د یاد ولایت د چپرهار ، بټې کوت او کامې ولسوالیو ته سفر وکړي.
په پام کې ده چې مؤظف پلاوی به د ننګرهار ولایت مقام له مسؤلینو سره د شهیدانو او معلولینو چارو ریاست د ستونزو د له منځه وړلو په موخه هم لیدنه وکړي.
