په بلخ ولایت کې د شهیدانو او معلولینو (۱۲۰۰) مستحقو کورنیو ته د مرستو وېش لړۍ پیل شوه
د بلخ ولایت د شهيدانو او معلولينو چارو رياست د ولایت مقام سره په همغږۍ د شهیدانو او معلولینو (۱۲۰۰) مستحقو کورنيو ته د مرستو د وېش لړۍ پېل کړه، په یادو مرستو کې چې اته (۸) ډوله خوراکي توکي شامل وو، یوه برخه یې د ازبکستان هېواد لخوا او پاتې برخه یې د اسلامي امارت د چارواکو او ملي سوداګرو لخوا چمتو شوې وه.
د یوې شفافې پروسې په ترڅ کې، نن ورځ (۳۰۰) کورنیو ته مرستې ووېشل شوې او پاتې کورنۍ چې په لرې پرتو ولسوالیو کې ژوند کوي، د بلخ ولایت د والي محترم الحاج محمد یوسف وفا په هدایت، سبا به یې مرستې تر کورونو ورسول شي، ترڅو هغوی له تکلیف څخه خوندي پاتې شي.
د یادو مرستو د وېش بهیر د بلخ ولايت اړوند د (۹) امارتي ادارو د استازو په شتون کې پېل شو.
په ورته وخت کې د شهيدانو او معلولينو چارو رئيس محترم مولوي جان محمد حکمت د بلخ له والي، د ازبکستان خلکو او د یاد ولایت د ملي سوداګرو له مرستو څخه مننه او قدرداني وکړه.
