ولایتي آمریتونو ته د وړتیا لوړونې او همغږۍ دوه ورځنی ورکشاپ جوړیږي
ولایتي آمریتونو ته د وړتیا لوړونې او همغږۍ دوه ورځنی ورکشاپ جوړیږي
د شهیدانو او معلولینو په چارو کې د دولت وزارت د خپلو اړوندو ولایتي آمریتونو د وړتیا لوړونې او همغږۍ پیاوړتیا په موخه مرکز کې دوه ورځنی ورکشاپ ترسره کوي، چې د ټول ولایتونو آمرین به پکې ګډون وکړي.
د یاد ورکشاپ د چارو د تنظیم په موخه نن د وزارت د پلان او پالیسۍ د رییس ښاغلي ذبیح الله اسحاقري په مشرۍ غونډه ترسره او اړوندو ریاستونو ته لارښوونه وشوه، چې آمرینو ته د کاري پروسو د چټکتیا، اسانتیا، مراجعینو سره د چلند، د حقوقو ورکړې، اسنادو د څېړنې او ارزونې، لوړتیا لوړونې، ټولنیزو خدمتونو، د جنډر، د کارکوونکو د ګمارنې بهیر او له مرکز سره د همغږۍ د لا پیاوړتیا په برخه کې خپل معلومات وړاندې او د دوی پوښتنو ته ځوابونه ووایي.
د یادونې وړ ده، چې یاد ورکشاپ به دوه ورځې دوام وکړي او پر ټولو مهمو مسایلو، ستونزو حل او حل لارو به هر اړخیز بحثونه وشي.
