د یتیمانو او کونډو لپاره د مناسبو کورونو جوړولو په موخه د کابل ولایت د شهیدانو او معلولینو چارو په ریاست کې د قرعه کشۍ پروسه ترسره شوه
د کابل ولایت د شهیدانو او معلولینو چارو په ریاست کې د قرعهکشۍ پروګرام د یاد ولایت د شهیدانو او معلولینو چارو رئیس محترم قاري شمس الامین زهیر، د وزارت د پرمختیایي پروژو د څارنې او ارزونې آمر محترم ملا مطیع الله ابوالمختار، د (HHRD) نړیوالې مؤسسې مسؤلینو، ځینو کارکوونکو او د یو شمېر یتیمانو په شتون کې ترسره شو.
د یادې قرعه کشي په ترڅ کې د لسو (۱۰) تنو هغو یتیمانو نومونه چې په قرعه کشي کې ټاکل شوي، د هغوی لپاره به (HHRD) مؤسسې له لوري د کابل ولایت اړوند په ده سبز ولسوالۍ کې مناسب کورونه جوړ شي.
