د شهیدانو او معلولینو چارو په وزارت کې (۲۰۰) تنو مستحقینو ته مرستې ووېشل شوې
د شهیدانو او معلولینو چارو وزارت د (ZFA) خیریه مؤسسې سره په همغږۍ د کابل ولایت اړوند پر (۲۰۰) تنو یتیمانو باندې اختریزې ډالۍ په منظم ډول ووېشلې، چې هر مستحق د (۳۳۵۰) افغانيو په ارزښت د اختر لپاره جامې، بوټان او ځينې نور توکي ترلاسه کړل.
د مرستو د وېش پر مهال د پروژو د تطبیق څخه د څارنې او ارزونې آمر محترم ملا مطیع الله ابوالمختار، د ټولنیزو خدمتونو د تنظیم ریاست استازي او د مؤسسې مسؤلینو شتون درلود.
د یادونې وړ ده چې یادې مؤسسې تر دې مخکې هم په مرکز او ولایتونو کې د یتیمانو، کونډو مېرمنو او معلولینو لپاره په بېلابېلو برخو کې مرستې برابرې کړې دي.
