د شهیدانو او معلولینو چارو وزارت د کونډو لپاره د کاري فرصتونو د رامنځته کولو په موخه د انساني مرستو ټولنې سره هوکړه لیک لاسلیک کړ
یاد هوکړه لیک د دې وزارت د پلان او بهرنېو اړیکو رئیس محترم ملا صدوخان حق شناس او د انساني مرستو ټولنې مسؤل محترم نصرالله شینواري تر منځ لاسلیک شو، چې د هغه له مخې به، یو شمېر کونډو ته په جوزجان ولایت کې د (۵۱۰۰) امریکایي ډالرو په ارزښت د کالیو مینځلو ماشینونه او د نانوایي وسایل چمتو او ووېشل شي.
د یادونې ده چې یاده پروژه به د یوې میاشتې په ترڅ کې د جوزجان ولایت د شهیدانو او معلولینو چارو ریاست په همغږۍ پلي شي.
