د شهیدانو او معلولینو چارو وزارت د معلولینو چارو په ریاست کې اداري غونډه جوړه شوه
یاده غونډه چې د دې وزارت د معلولینو چارو رئیس محترم قاري عبدالکریم حلیمي په مشرۍ جوړه شوې وه، په هغه کې د دې ریاست اړوند کارکوونکو ګډون کړی وو.
په دې غونډه کې محترم قاري عبدالکریم حلیمي د شهيدانو او معلولینو چارو وزارت له منظور شوې طرحې سره سم د معلولینو تثبیت، ثبت او هغوی ته د میاشتنۍ نغدي مرستو د ورکړې په تړاو خبرې وکړې او له اړوند کارکوونکو یې وغوښتل چې خپلې ورځنۍ چارې په پوره اخلاص او همغږۍ سره پرمخ یوسي او د دې ریاست د کاري بهیر د ارزونې پر مهال باید د څارنې او ارزونې او د داخلي پلټنې ریاستونو د ټاکل شوېو پلاويو سره همکاري وکړي او د هغوی پوښتنو او غوښتنو ته په وخت سره ځواب ووایي.
