د خوست، پکتیا او پکتیکا ولایتونو د شهيدانو او معلولینو چارو رياستونو اړوند کارکوونکو ته دوه ورځنی ورکشاپ دایر شو

nasrat_admin
یکشنبه ۱۴۰۲/۹/۱۲ - ۱۳:۳۸
mmd

د شهيدانو او معلولینو چارو وزارت د بشري سرچینو رئيس محترم مولوي محمد موسی صدیقي په مشری يو پلاوی خوست ولایت ته د یاد وزارت اړوند رياست د کړنو او فعاليتونو د څیړنې او ارزونې په موخه سفر کړی.

ياد پلاوي د خوست ولايت سربیره د پکتیا او پکتيکا ولایتونو د شهيدانو او معلولینو چارو رياستونو  اړوند آمرینو، د مالي او اداري عمومي مدیرانو او یو شمېر نورو کارکوونکو ته دوه ورځنی ورکشاپ دایر کړ. په ياد ورکشاپ کې کارکوونکو ته د اداري مراسلاتو، د استخدام پروسې اړوند اسنادو په اړه په نظري او عملي ډول زده کړې ورکړل شوې.

همداراز د یاد پلاوي لخوا د یتیمانو او معلولینو حمایوی صندوق لپاره د جوړې شوې فورمې او د مجاهدینو د شل کلن خدمت  د ادوارو د تثبیت فورمې په اړه د یادو ولایتونو کارمندانو سره معلومات شریک او وضاحتونه ورکړل شول.

د ياد ورکشاپ په ترڅ کې د شهيدانو او معلولینو چارو وزارت د دعوت او ارشاد رئيس محترم مفتي عبدالاحد مسعود لخوا د یادو رياستونو اړوندو کارکوونکو ته اصلاحي بیان ترسره شو او له هغوی څخه یې وغوښتل تر څو په ورځني ژوند کې تقوا غوره کړي، له هر ډول خیانت څخه ځانونه وساتي، د افغانستان دې مظلوم او ځورېدلي ولس او په ځانګړي ډول کونډو، یتیمانو او معلولینو ته اسانتياوې برابرې کړي.

نوموړي همداراز وويل: په یادو رياستونو کې د دعوت او ارشاد رياست لخوا ټاکل شوی مسؤل دې باید په اړوندو ریاستونو کې د خپلې دندې ترڅنګ د دیني علومو د ارتقاء په موخه کارکوونکو ته د قرآن عظیم الشان درس پیل کړي.

نوموړي د یادو رياستونو له کارکوونکو څخه وغوښتل تر څو خپل سيرت او صورت د شریعت مطابق برابر کړي.

تازه خبرونه

دوشنبه ۱۴۰۲/۱۱/۳۰ - ۱۵:۳
Background image

په بامیانو ولایت کې دوه سوه (۲۰۰) تنو بې سرپرسته ښځو خوراکي مواد ترلاسه کړل

د بامیانو ولایت په ورس، پنجاب، یکاولنګ نمبر(۱) و یکاولنګ نمبر(۲) کې د دې ولایت د مقام له لوري او د شهیدانو او معلولینو چارو ریاست په همکارۍ پر (۲۰۰) بې سرپرسته ښځو باندې اوړه، وویشل شول. . .

دوشنبه ۱۴۰۲/۱۱/۳۰ - ۱۴:۶
Background image

د شهیدانو او معلولینو چارو وزارت د کارکوونکو د کاري ظرفیتونو د لوړولو په موخه روزنیز ورکشاپ پیل کړ

د دې ورکشاپ په پرانیست غونډه کې د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صدیقي، د دعوت او ارشاد رئیس محترم مفتي عبدالاحد. . .

یکشنبه ۱۴۰۲/۱۱/۲۹ - ۱۵:۲۴
Background image

د شهیدانو او معلولینو چارو وزارت کې له شپږ دیرشو (۳۶) تنو کارکوونکو څخه د یوې روزنیزې دورې له بشپړولو وروسته د کمپیوټر د پروګرامونو ازموینه واخیستل شوه

د شهیدانو او معلولینو چارو وزارت د بشري سرچینو ریاست د یاد وزارت اړوند (۳۶) تنو کارکوونکو ته د کاري ظرفیتونو لوړولو په موخه د کمپیوټر پروګرامونو (ورډ او اکسل) تدریس پیل کړی وو چې نن د. . .

BACK TO NEWS