د بلخ ولايت د شهيدانو او معلولينو چارو رئيس په شمال زون کې د سرې میاشتې له عمومي مشر سره وکتل
د بلخ ولايت د شهيدانو او معلولينو چارو رئيس محترم مولوي جان حکمت په شمال زون کې يې د سرې میاشتې عمومي مشر محترم الحاج ملا محمد حنیف خالد او د بلخ ولايت د سرې میاشتې د مرستون آمر محترم مولوي شمس الحق افغاني سره وکتل.
په دې کتنه کې مستحقو یتیمانو، کونډو او معلولیت لرونکو وګړو ته د مرستو چمتو کولو پر څرنګوالي هر اړخیزې خبرې وشوې، تر څو په یاده برخه کې د هغوی پر وړاندې شته ستونزې او ننګونې حل او ورته رسیدګي وشي.
